Exclases şirkətlər qrupu

Exclases – əməkdaşları marketinq, satış, həmçinin aviasiya sahəsi, ilk növbədə helikopter sənayesi müştərilərinə texniki dəstək sahəsində böyük peşəkar səriştəyə malik olan beynəlxalq şirkətlər qrupudur. 

Exclases komandası biznesin işinin yaxşılaşdırılması və optimallaşdırılması, həmçinin bütövlükdə sənaye üçün innovativ, iqtisadi cəhətdən sərfəli həll yollarının hazırlanması və yayılması məqsədi daşıyan texniki, hüquqi və kommersiya mütəxəssisləridir.

Şirkətin mövcud bazar şəraitində ən mühüm rəqabət üstünlüyü Exclases komandasının lazımi bilik və təcrübəsinin, ehtiyatlarının və aviasiya-kosmik sahənin əsas istehsalçıları ilə qurulmuş səmərəli əlaqələrin birləşdirilməsidir.

Əsas vəzifəmiz  

Exclases şirkəti on ildən çoxdur ki, dünyanın aparıcı helikopterlərinin MDB ölkələrinin bazarlarına ən yaxşı təhlükəsizlik xarakteristikaları ilə satılması və tədarükü ilə uğurla məşğul olur. Təcrübəli peşəkarlar komandası hörmətli müştərilərimizə gecə-gündüz dəstək verir.

Məqsədimiz 

Exclases yaradıldığı andan etibarən ən müasir helikopterləri tədarük edərək MDB ölkələrinin aviasiya bazarlarını inkişaf etdirməyə çalışır. Exclases bu ölkələrdə helikopter sahəsinin daha da inkişafı üçün tam gücü ilə irəliləməyə davam edir.

Leonardo Helicopters şirkəti ilə tərəfdaşlıq

2008-ci ildə yaradıldığı gündən etibarən Exclases Group Leonardo Helicopters şirkətinin (əvvəllər AgustaWestland) etibarlı tərəfdaşıdır, eksklüziv əsasda helikopter və avadanlıqların satışını və marketinqini həyata keçirir, həmçinin Rusiyada və MDB ölkələrində hörmətli müştərilərimizə hərtərəfli xidmət göstərir.

Leonardo Helicopters şirkəti ilə Exclases şirkətinin uzunmüddətli tərəfdaşlığı mükəmməl nəticələr gətirib-çıxarmışdır – çoxlu sayda helikopter Qazaxıstana, Azərbaycana və digər MDB ölkələrinə çatdırılıb ki, bu da Leonardo şirkətini bu bölgədə aparıcı Qərb helikopter istehsalçısı halına gətirmişdir. Yüksək texnologiyalı Leonardo məhsulunun dərin bazar anlayışı və Exclases komandasının böyük təcrübəsinin birləşməsi bu cür nəticələrə nail olmaq üçün əsas oldu. Şirkət uğurlarını möhkəmləndirmək üçün tam gücü ilə irəliləyir.

Beynəlxalq sertifikatlar

Exclases Group ən yüksək keyfiyyət və təhlükəsizlik standartlarına cavab verir. ISO 9001:2015 sertifikatının mövcudluğu zəmanət verir ki, Exclases idarəetmə sistemi, xidmət və sənədləşmə prosedurları bütün standartlaşdırma və keyfiyyət təminatı tələblərinə uyğunluq üçün yoxlanılıb.

Leonardo Helicopters şirkəti haqqında

Leonardo Helicopters şirkəti helikopter istehsalı sahəsində tanınmış dünya lideridir. Leonardo Helicopters şirkətinin tarixi 100 ildən çoxdur ki, bu da şirkəti dünyanın ən qədim helikopter istehsalçılarından biri edir. Təəssürat bağışlayan təcrübə, ən yeni texnologiyaların və ən yüksək keyfiyyət standartlarının hazırlanması və tətbiqi şirkətə bazarda birinciliyi əlində saxlamağa imkan verir.

Model sırası müasir bazarın bütün tələblərinə cavab verir. Helikopter siniflərinin hər birində Leonardo Helicopters şirkəti standart keyfiyyətə və dizayn bacarığının zirvəsinə çatmışdır. AW helikopterinin hər bir mülki modeli öz bazar seqmentində liderdir. AW119Kx, Trekker, GrandNew, AW169, AW139 və AW189 helikopterləri qabaqcıl konstruktor düşüncəsinin nümunəsidir və dünyanın analoqu olmayan helikopter sənayesinin müqayisəsiz nümunələridir.

Leonardo Helicopters şirkəti özəl və dövlət sifarişçiləri üçün helikopterlərin istehsalı və onlara xidmət dəstəklə məşğul olur, sərnişin daşınmasını, qəza-xilasetmə xidmətlərini, hüquq-mühafizə orqanlarını, neft-qaz və digər hasilat şirkətlərinin nümayəndələrini, VVIP və VIP-ni texnika ilə təmin edir, sərt iqlim şəraitində daşıma istiqamətini fəal inkişaf etdirir. Istehsal mərkəzləri Italiya, Böyük Britaniya, ABŞ və Rusiyada yerləşir.